IMANI
Imani ni
nini?
Imani ni ile hali ya kuamini jambo hata
kama bado halijatokea ila Unaamini ndani
yako kuwa limeshatokea kwahiyo unaamini katika ulimwengu wa Roho tayari ni
lakwako japo kuwa katika ulimwengu wa mwili bado halijatokea.
Waebrania
11:1 inasema “ Basi imani ni kuwa na hakika ya mambo yatarajiwayo, ni bayana ya mambo
yasiyoonekana.”
Anaposema
IMANI ni kuwa na UHAKIKA maana yake ni lile Neno HAKIKA maana yake kuwa ndani yake hakuna shaka, na Naposema MAMBO YASIYOONEKANA maana yake ni jambo
ambalo halijaonekana bado katika ulimwengu wa mwili ila lipo katika ulimwengu
wa Roho na hakuna mtu mwingine aliyeliona zaidi ya kwako yani ni mafunuo ya
kwako peke yako ambayo Mungu amekupa na anataka uyatoe katika ulimwengu wa Roho
na uyalete katika ulimwengu wa mwili na kitu ambacho kitakusaidia uyatoe hayo
maono yako ndani yako ni kwa njia ya Imani. Mfano unaona Nyumba ndani yako (
NAFSI MWAKO) ikiwa huna bado kiwanja sasa hapo ndipo unatakiwa utumie imani
yako na hutakiwi kuona shaka hata kama kuna mambo ambayo yanakatisha tamaa
katika maisha yako na yanakupelekea
unaona kuwa huwezi kufika katika ufunuo wako wewe hutakiwi kukata tamaa wala
kuona shaka unachotakiwa ni kuwa na imani ile ile ya kwanza uliyoikuwa nayo.
Kuna aina mbalimbali za imani :-
A.
IMANI INAYOBEBA NENO LA MUNGU/ NENO LA MUNGU INAITUMIA KUKUPA MAJIBU.
Waebrani
11:3 “ kwa imani twafahamu ya kuwa
ulimwengu uliumbwa kwa neno la Mungu…..”
Kazi
ya imani iliyondani ya neno la Mungu ni kuumba vitu ambavyo havina chanzo,
katika Yohana 1:1 neno la Mungu linasema
“ hapo mwanzo kulikuwa na neno na neno
alikuwa Mungu….” Halafu mbele kidogo anasema “ vyote vilifanyika kwa huyo wala pasipo yeye hakikufanyika chochote
kilichofanyika”
NENO
ni chanzo, na chanzo kilikuwepo ila matokeo ya chanzo yalikuja kuonekana baada ya
chanzo kubadilika na kuwa kitu kingine au tunawezakusema kuwa imani ya kwako
itatoa matokeo pale ambapo utabadilisha mfumo na mtazamo wako wa ndani wa
maisha ya kwako ya zamani.
Imani ni sawasawa na
daraja, tunaweza kuliita daraja kama
Passover/crossover.
Na neno daraja
linamaanisha kuna kipengele cha maisha yanayoishia sehemu flani ambayo hayawezi
kuunganika na maisha yanayounganika mbele.
Tunaelewe kabisa kuwa
kuna aina mbalimbali za madaraja kuna mwengine ni membamba , pana , kubwa , dogo ,bonde. Na tunaelewa kabisa kuna utofauti
katika uvukaji wa hayo madaraja kutokana na jinsi yalivyo. Kuna eneo lengine
inakulazimu utumie nguvu zako kwako mwenye ili uweze kuvuka ng’ambo ya pili,
pia kuna eneo lengine ukivuka lazima uingie ndani pia unapovuka kuna baadhi ya
madhara yanaweza kutokea, mengine
matokeo yake ni hapo kwa hapo mengine baada ya muda na wengine ukivuka vizuri
hakuna madhara ambayo yanaweza kuyapata.
Wakati
mwingine nafsi yako ndiyo imekuwa chanzo cha wewe kutokuwa na imani iliyo
thabiti. Kwahiyo ifike mahali uibome nafsi yako maana imekusababisha kutokuwa
na imani iliyothabiti na kwamba bila kuwa na kitu huwezi kupata.
Weka
mkono katika kifua chako na omba maombi
haya:-
“NAFSI
YANGU NAKUBOMOA KUANZIA LEO USITEGEMEE VITU VINAVYOONEKANA ILI UWE NA IMANI
TEGEMEA VITU AMBAVYO HAVIPO ILI VIWEZE KUTOKEA MAANA NDIO KAZI YA IMANI KATIKA
JINA LA YESU, AMEN”
Itaendelea……..
