KUZIKA MBEGU ILI ZIFUFUKE ZIKIWA NA KITU KINGINE NDANI YAKE.

IJUMAA  :  18 /04/2014
SOMO  : KUZIKA MBEGU ILI ZIFUFUKE ZIKIWA NA KITU KINGINE NDANI YAKE.                                                
Na: Nabii. Frank Julius Kilawah.
 Roho wa Mungu amenipatia kibali kufundisha neno hili, Yeyote aliye  tayari kubadilika na kuwa mtu mpya na kuinua kiwango cha imani yake ili  kila atakalofanya atumie akili tofauti, maana sasa unakwenda kupanda mbegu ambayo utaivuna  Yesu akiwa pamoja nawe.
Ijumaa kuu  inaunganisha siku mbili muhimu zinazogongana  katika ulimwengu wa Roho,jiandae kuwa mshindi kwa maana unakwenda kuwa kiumbe kipya na kuvuna sawasawa na mapando uliyoya panda.
YOHANA 4:36 “Naye  avunaye hupokea  mshahara, na  kukusanya matunda kwa uzima wa milele , ili yeye apandae na yeye avunae  wapate kufurahi pamoja”.
Maandiko yanasema kwa maana hapo neno hilo huwa kweli,  Mmoja hupanda  akavuna mwingine, maana mimi naliwatuma myavune yale msiyo ya taabikia;wengine walitaabika nanyi mmeingia katika taabu.
Ukilisimamia neno hili hutaingia katika  taabu ya kuzika mbegu isiyofufuka na kitu kingine ndani yake,kwa maana kuvuna na kupanda vyote kwa pamoja vinamshuhudia Mungu wokovu.
Biblia takatifu inatuambia, Mungu aliupenda ulimwengu, haijasema aliwapenda  wanadamu, mazingira  yasikupe wasiwasi , kama ambavyo Daniel hakuwa na hofu hata alipokuwa kwenye tundu la Simba aliomba na Mungu alimjibu Papo hapo.
YOHANA 3:16-17 “kwa maana jinsi hii Mungu aliupenda ulimwengu, hata akamtoa Mwanawe pekee,ili kila mtu amwaminiye asipotee, bali awe na uzima wa milele.Maana Mungu hakumtuma mwana ulimwenguni ili auhukumu ulimwengu bali uokolewe katika yeye.
Maandiko yana yanazidi  kutuweka  wazi  juu ya kila mmoja kuutambua uwepo wake mbele ya madhabahu ya Mungu, Amwaminiye  yeye  nhahukumiwi; asiyeamini amekwisha kuhukumiwa; kwasababu hakuliamini  jina la mwana  pekee wa Mungu. 
Na leo nakwenda kukuweka karibu na uwepo wa Mungu, utakwenda kupata majibu mapya ya maombi yako, tunakwenda kulishusha giza  tupate majibu ya mchana na unakwenda kubadilika kama Daniel, omba bila kuchoka ndio hadhina ya uzima wa milele.
YOHANA 3:19 “Na hii ndio hukumu; ya kuwa nuru imekuja ulimwenguni,na watu wakapenda giza kuliko nuru;kwa maana matendo yao yalikuwa maovu.Maana kila mtu atandaye mabaya huichukia nuru, wala haji kwenye nuru,matendo yake yasije  yakakemewa.