Shiloh International Ministries Tanzania

SOMO:

WATAKUTAFUTA

Na.Wisdom Nyirenda.(Son of Major Prophet Shepherd Bushiri of Malawi)

04/APRIL/2014.

WAAMUZI 11:1-10,tunamuona mpiganaji hodari aitwaje Yeftha,aliyekuwa akiishi huko Gileadi,mwana wa mama mmoja Malaya,na baba yake aliitwa Gileadi, ambaye alikuwa pia na wana wengine kutoka kwa mke wake halali.

Wakati Yeftha anakua, alikua ni mtu mwenye nguvu sana,hivyo kaka zake wakaingiwa na wivu wakasemezana, “Tumfukuze kwa sababu anaweza kurithi ardhi za baba zetu,na mpango wao ulifanikiwa.”

 Ukisoma andiko hili utaona namna ndugu zake Yeftha walivyomfukuza pale nyumbani na kumwambia kuwa hana haki ya kupata urithi kutoka kwa baba yao, kwa sababu alikuwa amezaliwa na mama mwingine.

WAAMUZI 11:2“Gileadi alikuwa pia na wana wengine kwa mke wake wa halali.watoto wa mke huyo walipokuwa wakubwa,walimfukuza Yeftha kutoka nyumbani ,wakamwambia, “wewe huna haki ya kupata urithi kutoka kwa baba yetu,maana wewe ni mtoto wa mwanamke mwingine.”

Biblia inatuambia kuwa, baada ya Yeftha kufukuzwa na ndugu zake,aliondoka na kwenda kuishi katika nchi ya Tobu ambako alipokelewa na watu wa mji huo,wakajiunga naye katika safari zake za mashambulio.

 Andiko hili linatufundisha kuwa, vita vingi katika maisha yako havitoki mbali, vinatoka kwa watu walio karibu yako, kama ambavyo Yeftha alivyoibuliwa  vita na kufukuzwa na kaka zake mwenyewe.

Lakini  baada ya muda fulani Waamoni walishambulia Israel na baada ya vita kupamba moto,wakakumbushana kuwa wana ndugu yao waliomfukuza anaitwa Yeftha ambaye atawasaidia ,ndipo wazee wa Gileadi walienda kumtafuta Yeftha kutoka katika nchi ya Tobu ili aweze kuwasaidia katika vita hiyo,hapa tunajifunza kuwa,waliokufukuza watakwenda kukutafuta.

Katika Waamuzi 11:5-6 wakati vita vilipopamba moto,wazee wa Gileadi wakaenda kumleta Yeftha kutoka katika nchi ya Tobu,wakamwambia “Njoo utuongoze katika vita yetu na Waamoni.”

Tafsiri ya Jina Yeftha ni Funguo,walipomfukuza Yeftha inamaana walichukua funguo wakaitupa nje ,na vita vilipopamba moto wakaanza kutafuta funguo iliyopotea kwa kuwa walikua wamejifungia ndani wenyewe bila kujua watatokaje nje .

 

Wakati wanamfukuza Yeftha walimfukuza kama mbwa,walimwambia,wewe mwana wa kahaba toka nje ya ardhi yetu na mambo yalivyokuwa magumu kwa upande wao wakati wa vita,wakawatuma wazee wa nchi ile ambao kwa nyakati hizi ndio tunawaita Mawaziri wakaenda kumtafuta Yeftha, walipompata walimpigia magoti wakasema, “wewe ni kaka yetu tusamehe njoo nyumbani na uwe kiongozi wetu.”

WAAMUZI 11:8 “hao wazee wa Gileadi wakamwambia “Ndio maana tumekujia ili uende nasi kupigana na waamoni,nawe utakuwa kiongozi wetu na wa wakazi wote wa Gileadi.”

Inawezekana mpaka sasa katika familia yako wanakukataa,usiogope,wewe ni funguo,waliokukataa watapiga magoti wanapokuja kukutafuta,kwa  kuwa wamejifungia ndani alafu wameitupa nje  funguo, hivyo  ni lazima watakutafuta kwa maana hawataweza kutoka nje ya nyumba bila kuwa na  funguo na hiyo ndiyo itakuwa hatma yako.

Kuanzia sasa tambua kuwa wewe ni funguo,haijarishi umedharauliwa kwa kiwango gani ,unakwenda kufungua hatma ya familia yako,kuanzia sasa historia yako inabadilika,kila aliyekukataa atarudi kwa ajili yako, nawe utakuwa kiongozi wake kwa maana wewe ni kichwa na wala sio mkia.