NGUVU YA DAMU YA YESU

JUMATANO

16.04.2014

SOMO:NGUVU YA DAMU YA YESU

Na:Nabii  Frank Julius Kilawah.

Leo tunakwenda  kutengeneza roho ya kupata fedha na nguvu ya utajiri katika maisha ya kwako,kupitia damu ya Yesu kristo utakwenda kuona  milango minne ikifunguka kwa kila hitaji la moyo wako.

1WARAKA WA PETRO 1:2 “kama vile Mungu Baba alivyotangulia kuwajua katika kutakaswa na Roho,hata mkapata kutii na kunyunyiziwa damu ya Yesu kristo,na neema na amani na ziongezwe kwenu”

Tunaona jinsi maandiko yanavyo tuthibitishia juu ya damu ya Yesu, na kabla ya siku saba nilizokutangazia,umasikini wako unakwenda kuisha,wakati naendelea kukufundisha naona kuna  damu zina kwenda kutiririka na mikono yako kujaa maji na malaika  wakishuka.

Namshukuru Mungu anavyozidi kuongea na mimi juu ya kuondoa roho ya umasikini katika maisha yako na kukupatia roho ya fedha na utajiri kupiti damu ya Yesu, na uwe na uhakika leo naenda kupambana na wachawi wanaopambana na wewe kwa ajili kurudisha maendeleo yako nyuma na hakuna kitu kitakachobakia.

Kama ambavyo maandiko yanavyo tuambia katika kitabu cha WAEBRANI 12:24 “na Yesu mjumbe wa agano jipya ,na damu ya kunyunyizwa inenayo mema kuliko ile ya Habili.”

Tambua ya kuwa damu ya Yesu inatenda mema juu ya maisha yako ukiamini na kulitii neno lake unakuwa mshindi katika kila eneo,  mimi baba yako Nabii Frank Julius Kilawah nimelishika neno la Mungu ndio maana leo hii nakutamkia kwa ujasiri kuwa utakwenda kupokea muujiza mkubwa na kuwa kiumbe kipya.

UFUNUO WA YOHANA 1:5;6 “tena zitokazo kwa Yesu kristo ,shahidi aliye ,mwaminifu mzaliwa wa kwanza wa waliokufa,na mkuu  wa  wafalme wa dunia,yeye atupendae na kutuosha dhambi zetu katika damu yake.’’

Nina habari njema kwako juu ya ujio wa Yesu kristo ndani yako,anakwenda kuvunja kila nguvu za giza, na wakati huu hatakuja kama ulivyomzoea bali anakuja  kubadilisha hata yale uliyokuwa huyafahamu, damu yake inakuwa kinga yako kwa kuwa damu hii ina nguvu ya tofauti hasa katika kipindi hiki cha kufa na kufufuka kwake.

Utakwenda kuona mambo ya ajabu na makuu,Roho ya Mungu imekwisha kuingia ndani yako, kama ambavyo Baba yangu yu ndani yangu,ndivyo anavyokwenda kuwa ndani yako kuanzia sasa.

Amini nawaambieni damu ya Yesu ni jibu la maombi yako uiitapo kwa uaminifu, ikiingia ndani yako papo hapo unapokea Roho ya utawala ambayo inakwenda kumiliki mifupa yako na uzao wako unainuliwa.