JINSI NGUVU YA MUNGU INANYOTENDA KAZI NDANI YA NGUO.

SOMO: BIASHARA YA NGUO

 Na:  NABII  FRANK   JULIUS  KILAWAH

Biashara ni kuhamisha fedha kwenye mikono ya mtu na kumpatia alicho kipenda kwenye biashara yako na kuridhika nacho.Unapofanya biashara ni lazima uongee na Mungu kwa sababu ndio chanzo cha biashara yako na yeye ndiye anayekupatia wateja, maana mnunuzi ndiye bosi wako, yeye ndiye anayekupatia asilimia nyingi na kuweza kufikia malengo yako na ikitokea wanunuzi wakaondoka  basi na biashara inakufa.

Kuna vitu vinavyoweza kukufanya wewe uweze kufanya biashara, kama fedha unayofanyia biashara uliomba kwa mtu na akakupatia kwa moyo mmoja basi hiyo biashara itakuwa na neema iliyo jaa roho mtakatifu na kama unafanya biashara kwa kutumia fedha za uchawi  basi hiyo biashara ndani yake itakuwa imejaa roho chafu ambazo zitakazokwamisha biashara yako.

UFUNUO 18:11-13 “Nao wafanya biashara wa nchi walia na kuombolezea, kwa sababu hapana mtu anunuaye bidhaa yao tena; bidhaa ya dhahabu, na fedha, na kitu chenye thamani, na lulu, na kitani nzuri na nguo ya rangi ya zambarau, na Hariri na nguo nyekundu; na kila mti wa uudi na kila chombo cha pembe, na kila chombo cha mti wa thamani nyingi na cha shaba, na cha chuma, na cha marimari”.

Nguo na tafsiri ya kuivaa, tafsiri yake ni kwa ajili ya dhambi, kwa maana hata nguo ya kwanza ya Adamu, yalikuwa matawi ya mti, baada ya vazi hilo ndio Mungu akampatia vazi la ng’ozi ambalo ndiyo nguo ya pili ya Adamu. Na ilipokuja sheria ya kuvaa nguo , Mungu aliweka sheria yake,na kila mtu akampatia sharti na aina ya nguo anayo stahiri kuvaa .

MWANZO 3:7 “Wakafumbuliwa macho wote wawili wakajijua kuwa wapo uchi, wakashona majani ya mti, wakajifanyia nguo, kisha wakasikia sauti ya BWANA Mungu akitembea bustanini wakati wa jua kupunga; Adamu na mkewe wakajifika  kati ya miti ya bustani, Bwana Mungu asiwaone”.

Maandiko yanasema Adamu  na mkewe waliweza kuvaa mavazi ya matawi ya mti,kwa andiko hilo tunaona jinsi vazi lilivyo na heshima mbele za macho ya Mungu,na chochote unachokiva lazima uomaombe na kukiingiza kwenye ulimwengu wa roho, ili hiyo nguo iweze kukubariki na na kukuletea mafanikio katika kazi zako unazozifanya na pia kukukinga katika magonjwa mbalimbali.

Nguo ni jambo la kiroho na ndani yake kuna kitu, kitendo cha Mungu kutengeneza nguo basi hata shetani anatengeneza nguo, kwamaana hiyo, yapo mavazi yenye  shepu shetani, na katika ulimwengu tulionao vijana wengi wanaishi kwa mitindo ya mavazi ya kuiga ndio maana  wanapotea katika njia iliyo sahihi.

MATHAYO 9:20   “Akatokea mwanamke mmoja ambaye alikuwa amesumbuliwa na tatizo la kutokwa damu kwa muda wa miaka kumi na miwili, akaja nyuma ya Yesu akagusa upindo wa nguo yake, ²¹ kwa maana alisema moyoni mwake, “Nikigusa tu nguo yake, nitaponywa.” ²² Yesu akageuka, na alipomwona akamwambia, “Binti, jipe moyo, imani yako imekuponya.” Na wakati huo huo yule mwanamke akapona”

Nguvu ya Mungu ipo ndani ya nguo hivyo basi sivema kuvaa upendavyo , kwa maana mavazi yaliweza kumponya mwanamke aliye kuwa akivuja damu kwa muda wa miaka kumi na miwili baada tu ya kushika pindo la vazi la Yesu na damu ikakata papo hapo,tunaona jinsi nguo ilivyo kuwa na roho ya uponyaji pale tu ukiwa na imani.

IKIWA ROHO ILIYOMFUFUA KRISTO INAKAA NDANI YAKO

SOMO:   JINSI JINA LINAVYOWEZA KUZUIA AU KUTOA BARAKA  KATIKA   MAISHA YAKO.

 Na: NABII  FRANK  JULIUS  KILAWAH

                                                                                                                                             

Jina  ni roho  kwa sababu linauwezo wa kubadilisha  mfumo wa maisha yako ya awali na kukupapatia mfumo mpya wa maisha,jina linauwezo wakuzuia kupitisha  kusudi la Mungu kwa wakati maalumu,kwamaana  jina lipo kwenye ulimwengu wa roho na sisi tumerithi jina la Yesu kristo .

 Yapo majina ambayo yamebeba laana hasa majina ya kurithi, ambayo yanasababisha kutokufanikiwa  kwa kile unacho kifanya katika maisha yako.Nalipo jina moja tu lenye uwezo wa kutenganisha jina lililo beba laana na jina hilo ni la “YESU KRISTO”.

Katika kitabu cha mwanzo tunaona  jinsi Mungu alivyoweza kulibadilisha jina la Abramu na kumpatia jina jipya aliloitwa Ibrahimu.

MWANZO 17:5 “Wala jina lako hutaitwa tena Abramu lakini jina lako litakuwa Ibrahimu, kwani nimekuweka uwe baba wa mataifa  mengi. Nitakufanya uwe na uzao mwingi  sana, nami nitakufanya kuwa mataifa, na wafalme watatoka kwako”.

Jina lilivyokuwa na nafasi katika maisha yako maana hata Mungu aliweza kumbadilishia jina Abramu  na kumwita Ibrahimu  hata Mungu aliweza kumwambia nitafanya  maagano mimi na wewe nami  nitakuzidishia sana na kubadilisha jina uje kuwa baba wa mataifa  na nitalipanua nakulikuza jina lako, jina unalitumia linaweza kukufanya usione maono yako.

Kuna vitu vitatu vikubwa Mungu alivyomwambia Abramu kwanza toka wewe katika nchi yako,na jamaa zako na nyumba ya baba yako, uende mpaka  huko utakakokwenda  nitakupatia jina jingine pamoja na nchi.jina lina nguvu ya kuyakamilisha malengo yako pale litakapo kuwa limetoka katika ulimwengu wa roho.

Tulivyo sisi tupo kwenye ulimwengu wa roho na Mungu ametuweka mbali na sisi , kwa hiyo kwenye ulimwengu wa roho kuna majina yanayo kaa huko, unaweza ukaelewa  sasa majina yapo kwenye ulimwengu wa roho,Maandiko yanasema katika kitabu cha WAEFESO 1:20,21 “aliotenda katika kristo alipomfufua  katika  wafu,akamweka mkono wake wa kuume katika ulimwengu wa roho, juu sana kuliko ufalme wote,na mamlaka, na nguvu na usultani, na kila jina litajwalo, wala si ulimwenguni humu tu bali katika ule ujao pia”.

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                     WAEBRANIA 1:4 “amefanyika bora kupita malaika, kwa kadri jina alilorithi lilivyo tukufu kuliko lao, kwa maana alimwambia malaika  yupi wakati wowote, Ndiwe mwanangu,mimi leo nimekuzaa?Na tena mimi nitakuwa kwake baba,Na yeye atakuwa kwangu mwana?’’

Hivyo basi yapasa mzazi kutambulisha jina la mtoto  kabla hajazaliwa katika ulimwengu wa roho, kwa kupitia njia ya maombi hii hufanya jina la mtoto liwe na busara, hekima na kibali mbele ya wadogo na wakubwa na pia utambulishaji wa jina la mtoto katika ulimwengu wa roho ni vema kwa sababu itamsaidia mtoto  kutokurithishwa majina ya ndugu yanayobeba laana za kutokufanikiwa , kifo, kichaa, kutokuwa na kibali mbele za watu.

NGUVU YA MUNGU YAJIDHIHIRISHA NDANI YA CHUMVI

        NGUVU YA MUNGU YAJIDHIHIRISHA  NDANI YA CHUMVI

Sawasawa na neno la Elisha alilolinena  katika kitabu cha:- 2Wafalme 2:21,22, ‘’Akasema nileteeni chombo kipya,mtie chumvi ndani yake. Wakamletea Akatoka akaenda mpaka chemichemi ya maji, akatupa ile chumvi humo ndani, akasema, Bwana asema hivi, Nimeyaponya maji haya; hakutatoka huko tena kufa wala kuzaa mapooza”.                                  

Upako wa Elisha umeendelea kufanya kazi katika kizazi hiki kupitia mtumishi wa Mungu Nabii Frank Julius Kilawah mara baada kuendesha ibada ya Chumvi iliyofanyika Jumapili ya tarehe 25/04/2014.

 Wakati wa ibada hiyo kila muumini alikuwa na pakiti yake ya chumvi ambayo iliombewa na mtumishi wa Mungu Nabii Frank Julius Kilawah,Nguvu ya Mungu ilijidhihirisha na wengi walishuhudia kupokea uponyaji na kufunguliwa.

Mnamo tarehe 6/05/2014, Bi Helen Mwabumba mkazi wa Sahare ambaye ni muumini katika huduma ya shiloh alitoa taarifa katika chumba cha habari cha Shiloh Internatinal  Ministry  kuhusiana na kung’oka kwa mti wa mbuyu na kuangukia nyumba anayoishi mara baada ya kumwaga chumvi ya upako kuzunguka nyumba hiyo.

Timu ya wanahabari wa Shiloh International Mininistry iliweza kufika eneo la tukio na kushuhudia namna Mbuyu huo ulivyong’oka kuleta uharibifu katika nyumba hiyo.

Akiongea na wanahabari Bi.Heleni alisema kuwa tukio hilo limetokea siku tano baada ya kumwaga chumvi pembezoni mwa nyumba hiyo.

“Niliporudi nyumbani nilimwaga chumvi ya upako pembezoni mwa nyumba ninayoishi,ambapo ubavuni mwa nyumba hiyo kuna mbuyu mkubwa unaosadikiwa kutumika katika mambo ya kishirikina ambao ulianguka siku tano baadae kutokana na Nguvu ya Mungu iliyokuwamo ndani ya chumvi”.

“Ki ukweli mbuyu huu una mauza uza mengi,ni mda mrefu wamejaribu kufika eneo hili ili waweze kuukata lakini wameshindwa,tunashangaa hata imekuwaje umeng’oka wenyewe kiurahisi namna hii.”walieleza wakazi wa eneo hilo bila kujua kama ni Nguvu ya Mungu imetumika kusambaratisha ngome hiyo ya Ibirisi.

Hata hivyo Bi.Helen alithibitisha kuwa,hakuna aliyepoteza maisha katika tukio hilo,Ingawa familia yake ilikuwa ndani wakati mbuyu huo unadondokea nyumba, lakini waliweza kukimbia nje na kuyasalimisha maisha yao.

Popote penye Nguvu za Mungu hakuna nguvu za Giza zitakazoweza kujificha.

Utukufu kwa Mungu.