NDOA NA MAHUSIANO

SOMO: NDOA NA MAHUSIANO

Na: NABII FRANK JULIUS KILAWAH

Ndoa, ni muungano kati ya mwanamume na mwanamke kuishi pamoja kama mume na mke muda wote wa maisha yao,na mpango na utaratibu wa Mungu umewekwa wazi katika kitabu cha MWANZO 2:18. “Bwana Mungu akasema,sivema huyo mtu awe peke yake nitamfanyia msaidizi wa kufanana naye’’

.

Mungu hakuumba watu bali aliumba mtu, kwa maana hiyo Mungu aliumba mwanamume peke yake inamana alikuwa hana mpango wa kumuumba mwanamke, ni vizuri ukaelewa na kuwa na ufahamu juu ya uumbaji wa Mungu, iliuweza kujua mambo mengi, ndani ya Mwanamume ndio alikuwepo mwanamke, maandiko yanasema Mungu alipomaliza kuumba aliangalia kazi yake akaona ipo sawa na sahii mbele ya macho yake akaamua kupumzika.

Katika kitabu cha Mwanzo sura ile ya kwanza Mungu aliumba mtu kwa mfano wake, maana yake mwanamume na mwanamke washatokea.

MWANZO 1:26,27 ''Mungu akasema, Na tumfanye mtu kwa mfano wetu, kwa sura yetu; wakatawale samaki wa baharini, na ndege wa angani, na wanyama, na nchi yote pia, na kila chenye kutambaa kitambaacho juu ya nchi, Mungu akaumba mtu kwa mfano wake, kwa mfano wa Mungu alimuumba, mwanamume na mwanamke aliwaumba".

Tukisoma maandiko katika kitabu cha Mwanzo ile sura ya pili, inatuelezea hatua ya umbaji wa mwanadamu, maandiko ya nasema, mwanadamu ametoka katika udongo, lakini sura ya kwanza haijatuelezea ametoka wapi bali inasema tumfanye mtu kutoka katika sura ya kwetu na mfano wa kwetu, kwa hiyo sura ya kwanza unayoiona ni image ambayo Mungu alimtengenezea mtu kutoka kwenye sura, rangi na mfano wa kwake

.

MWANZO 2:7 “Bwana Mungu alimfanya mtu kwa mavumbi ya ardhi, akampulizia pumzi ya uhai; mtu akawa nafsi hai. Bwana Mungu akampanda bustanii upande wa mashariki wa Edeni, akamweka ndani yake huyo mtu aliemfanya”.

Katika sura ya pili inamtengeneza mtu wa pili ambaye hatokani na sura ya Mungu wala rangi image na mfano wa Mungu, bali alimtengeneza kwa mfano wa nchi,maandiko yanatuambia Mungu alimuumba mwanamke na mwanaume kwa mfano wake,pia tumfanye hilo neno maana yake picha ya kwanza ya mwanadamu iliyopo kwenye sura ya kwanza mfano wake duniani haupo, bali unafanana na hao waliokuwa wamesema tumfanye mtu kwa mfano wetu na sura yetu hiyo ndiyo image.

Na ukisoma maandiko vizuri na kuyaelewa unaweza kujua kuwa aliye pulizia pumzi ya uhai kwenye udongo hakuwa Mungu, bali aliye pulizia pumzi ya uhai kwenye udongo, kwenye ile sura ya pili alikuwa ni huyu aliyeumbwa kwa mfano na sura ya nchi, kwa sababu katika sura ya kwanza inatuelezea amepewa mamlaka ya kuzaa na kuongezeka kwa hiyo alipokuja kwenye hii sura ya pili ya nchi umbaji wa Mungu haupo.

MWANZO 1:28 “Mungu akawabariki, Mungu akawaambia, zaeni,mkaongezeke, mkaijaze nchi, na kuitisha; mkatawale samaki wa baharini, na ndege wa angani, na kila kiumbe chenye uhai kiendacho juu ya nchi”.

Sambamba na hayo umbaji wa sura ya pili, ni yule alieumbwa kwenye sura ya kwanza, ametokea kwenye sura ya pili sasa anataka kuzaa na kuongezeka na akajitoa na kujitengeneza mwili wa kwake, akaufanya na kuupulizia pumzi ya kwake na akajiita mwenyewe na akisimama akisema jina langu ni Adamu.