ROHO YA UOGA

JUMA TANO 18/05/2014

SOMO: ROHO YA UOGA

Na: NABII   FRANK JULIUS KILAWAH.

Roho ya uoga  inaleta giza karibu yako na kukuweka mbali na uwepo wa Mungu, na  kuwapatia nafasi adui zako waweze kufanya kitu chochote unacho kifanya wewe na kupata nguvu pale tu unapokuwa na roho ya uoga mbele zao,,na kukufanya uangalie wingi wa adui zako katika kila jambo unalo fikilia kulifanya na kupelekea kushindwa kwasababu umebeba roho ya uoga.

Hutakiwi kuwa na roho ya uoga wala kusikiliza vitu vinavyo ogopesha, maana hata maombi hutaweza kupokea na kumwamsha mtu yule ambaye hana imani ndani yake,na kuto kuogopa kwako kutakufanya umalize wingi wa adui zako,  ushindi ndio unatakiwa kuzunguka akili zako na kuupata kwa wakati ulioutaka sio kuwa na uoga.

YOSHUA 1:6,7 “Uwe hodari na moyo wa ushujaa, maana ni wewe utakaye warithisha watu hawa nchi hii niliyo waapia  baba zao ya kwamba nitawapa. Uwe hodari tu na shujaa mwingi, uangalie na kutenda sawasawa na sheria yote aliyokuamuru Musa, mtumishi wa Mungu;usiiache,kwenda mkono wa kulia wala kushoto,upate kufanikiwa sana kila uendako”.

Tunaona katika bibilia jiinsi Mungu anavyotoa agizo, na agizo hili halikutolewa kwa wayahudi wote bali lilitolewa kwa mtu aliyepewa majukumu,hivyo wayahudi hawakuagizwa wawe na roho ya kishujaa lakini aliyetakiwa kuwa na roho ya kishujaa ni kiongozi wao aliye pewa majukumu na ndiye atakae ongoza watu kwenda kanani.

Kama Mungu aliweza kutoa agizo usiwe na roho ya uoga basi mambo yanayo kuja mbele yako yatakuwa yanaogopesha, hata kwa nje yatakuwa yanaogopesha kwa sababu hiyo utakuwa ukiangalia kushoto na kulia utakuwa huoni uwepo wa Mungu, maandiko yana niambia Mungu alimwambia Yoshua usiogope nipo pamoja nawe kwa hiyo kwa lugha nyingine kwenye hiyo safari kitakachokuwa kinaonekana  mara zote ni matatizo na yatakuwa mengi tofauti na uwepo wa Mungu.

Uwepo wa Mungu utaonekana baada ya wewe kuingia katikati ya vinavyo ogopesha kutokuviogopa,maana alitoa agizo kile kitendo cha kutokuogopa vinavyo ogopesha sio cha kufanya maombi,wa kufanga, bali kitendo cha wewe kutokuogopa kina leta uwepo wa Mungu aliyesema usiogope  katikati ya vinavyo ogopesha,na utaibeba roho yangu ya kuto kuogopa na nitakutetea na kukulinda katikati yako, maana hata ukifanya maombi hawezi kutokea mana sijakuagiza ufanye hivyo.

YOSHUO1:9 “Je! Si mimi niliye kuamuru? Uwe hodari na moyo wa ushujaa; usiogope wala usifadhaike; kwa kuwa Bwana, Mungu wako, yu pamoja nawe kila uendako”.

Mwanangu nakuambia jua katika maisha yako kuna maeneo mengine sio ya Yesu lazima yawe ya kwako, kwa maana yeye amesha maliza na kutoa kibali cha wewe kutokuogopa,sasa funga roho ya uoga chukua roho ya ujasiri na uende nayo, kitendo cha wewe kutokuogopa kinainua upendo wa Mungu katikati yako na kuweza kufikia malengo yako katika eneo hilo.

Roho ya uoga inakufanya umuondoe Mungu katikati ya maisha yako na kukuzuia usipanuke kiakili na mawazo maana kila unalotaka kulifanya unaogopa na mahali popote unapo kuwa na uoga ndipo nguvu ya Mungu inapatikana.hivyo ni vyema kuondoa roho yoyote ya uoga ili uweze kufikia halifulani katika ulimwengu wa roho.