Shiloh International Ministries Tanzania

SOMO: ULIMWENGU WA ROHO.

       Na: NABII FRANK JULIUS  KILAWAH.

 Ulimwengu wa roho, ni ulimwengu ambao hauonekani kwa macho ya kawaida bali mpaka uwe na macho ya rohoni au ulimwengu wa asili, mambo yanaanzia rohoni ndio yanaweza kudhihirika mwilini,ushindi wake unaanzia rohoni na baadae unaonekana katika ulimwengu wa mwili, na uhalisi wake ndani kuna watu wanaoishi huko.

Maana hata maombi tunayo omba kila siku ni namna ya mtu kwenda katika ulimwengu wa roho, kuwasiliana na Mungu wake na kuuathiri ulimwengu wa kipepo.ili kutimiza haja ya ombi lake mbele ya macho ya Mungu.

Kwa maana nyingine ulimwengu waroho ndio una fursa ya kuona mambo yanayoenda kutokea dunia, na kabla hayaja tokea ni kwenye ulimwemgu wa roho kwanza.

Maisha kabla hujazaliwa hayana hesabu na baada ya kufa pia hayana hesabu ila yenye hesabu ni haya baada ya kuzaliwa na kabla hujafa,na hesabu yake ni fupi sana maandiko ya sema ni miaka 80.lakini haya maisha yana hesabika katika kitabu cha Ayubu.

AYUBU 14:1,3. “Mwanadamu aliye zaliwa na mwanamke, siku zake za kuishi  si nyingi, naye hujaa tabu. Yeye huchanua kama vile ua kisha hukatwa; Hukimbia kama kivuli, wala hakai kamwe. Nawe, je! Wafumbua macho yako kumwangalia mtu kama yeye, na kunitia katika hukumu pamoja nawe?”.

Hili neno tabu kwa lugha nyingine, mtu aliyezaliwa siku zake zote zilizo baki ni za tabu, lakini mimi katika andiko hili nimeona kuna nafasi ya pili ambayo Ayubu hajaisema, kwamba siku za mwanadamu zimegawanyika katika sehemu mbili,ya kwanza ni raha pili ni shida.lakini inawezekana kwa upande wake alikuwa anajaribu kumwambia Mungu mimi sikustahili kunyanganywa mali zangu,kufiwa wala kuugua.

Mwanangu  nataka usimsome Ayubu kiroho bali umsome kimwili na kwa hisia za kibinadamu, na uondoe Roho mtakatifu na Mungu iliuweze kujua nini alikuwa anakimaanisha katika andiko.

Kwa maana Ayubu alitumia hekima ya wito, ambayo inapita kwenye moto na unajua mbele kuna msalaba ambao hauwezekani kwa akili za kibinadamu, lakini hekima ya wito unaweza ukamwambia kikombe hiki hakuna anayeweza kukinyweya ila ni mimi tu,hiyo ndio hekima ya wito lakini huku mwili wako haupo tayari.

Na kile kitendo cha Mungu kumsifia Ayubu mbele ya shetani ndipo shetani alipoanza kumpiga kwa majipu mwili mzima, na baada ya hapo Mungu alinyamaza na shetani alinyamaza na hakuweza kumuona hata mmoja.zaidi ya mkewe Ayubu na rafiki wake wa tatu.

AYUBU 2:7 “Basi shetani akatoka mbele za uso wa Bwana,akampiga Ayubu na majipu tangu wayo wa mguu hata utosi wa kichwa”.

Mwanangu ukiona unaakili nyepesi jua utakuwa na maisha marahisi, na ukiwa na akili nzito jua hata maisha yako yatakuwa magumu sasa ni wewe kuchagua wapi unaelekee simamia nafasi yako ili uweze kushinda majaribu ya shetani.